CrimeTechnology
Trending

ఇలాంటి ఈ-మెయిల్స్ వస్తున్నాయా..? తక్షణం జాగ్రత్త పడాల్సిందే

ప్రస్తుత కాలంలో దాదాపు ప్రతి వ్యక్తి జీమెయిల్ వాడుతున్నారు. ప్రతి చిన్న ఆన్‌లైన్ అవసరానికీ ఈమెయిల్ అవసరం అయిపోయింది. ఈ క్రమంలో ఈ జీ-మెయిల్స్‌ను ఆసరాగా చేసుకుంటున్న హ్యాకర్లు. మన వ్యక్తిగత డేటాను దొంగిలించడానికి కొత్త కొత్త పద్ధతుల్లో ప్రయత్నిస్తున్నారు. తాజాగా ఇలాంటి ఒక పద్ధతిని గుర్తించినట్లు క్యాస్పర్‌స్కై అనే సెక్యూరిటీ సంస్థ వెల్లడించింది. సైబర్ నేరగాళ్లు అమెజాన్, పేపాల్ వంటి ప్రముఖ కంపెనీల పేరిట మెయిల్స్ పంపుతున్నట్లు ఈ కంపెనీ గుర్తించినది. యూజర్ల ఖాతాల నుంచి ఖరీదైన వస్తువులకు చెల్లింపులు జరిగినట్లు ఈ మెయిల్స్ వస్తాయంట. తమ అమెజాన్ ఖాతాలో యాపిల్ వాచ్ లేదా గేమింగ్ ల్యాప్‌టాప్ వంటి ఖరీదైన వస్తువులు ఆర్డర్ చేశారని, వీటికి పేపాల్ నుంచి చెల్లింపులు జరిగినవని ఈ మెయిల్ చెబుతుంది.

ఒకవేళ ఈ చెల్లింపులు సదరు వ్యక్తి చేయకుంటే వెంటనే కింద ఇచ్చిన మొబైల్ నంబరుకు ఫోన్ చేయాలనేది సదరు మెయిల్ సారాంశం. ఇలాంటివి చదివిన యూజర్లు కంగారుపడిపోయి వెంటనే ఆ నంబరుకు ఫోన్ చేస్తారు. దీనికి బదులిచ్చే హ్యాకర్లు అమెజాన్ లేదంటే పేపాల్ ప్రతినిధిలా మాడ్లాడుతూ, ఈ క్రమంలో సదరు వ్యక్తి వ్యక్తిగత సమాచారంతోపాటు బ్యాంకు అకౌంట్ వివరాలు కూడా చోరీ చేస్తున్నారు. ఒక్కోసారి ఫోన్ మాట్లాడే సమయంలో యూజర్‌ను మాటల్లో పెట్టి వారి కంప్యూటర్లలో వైరస్‌ ఇన్‌స్టాల్ చేసుకునేలా సూచనలిస్తున్నారు. ఇలా చేసి కంప్యూటర్లలోని డేటా మొత్తాన్ని కాజేస్తున్నారట. ఈ వివరాలన్నీ వెల్లడించిన క్యాస్పర్‌స్కై సంస్థ, ఇలాంటి మెయిల్స్ వస్తే వెంటనే ఓపెన్ చేయకుండా ఇలాంటి లావాదేవీలు తమ ఖాతా నుంచి జరిగాయా? లేదా? అన్నది నిర్ధారించుకోవాలని సూచించింది. అనుమానం వస్తే ఈ మెయిల్స్‌ను డిలీట్ చేసేయాలని టెక్ ఎక్స్‌పర్ట్‌లు సలహా ఇస్తున్నారు.

Related Articles

Leave a Reply

Your email address will not be published. Required fields are marked *

Back to top button